<<好棋推介>> 《迷宮美食家》

呢款遊戲絕對係近期最啱心水選擇！
想打怪又想煮嘢？
而家一次過滿足你兩個願望！😋

呢部作品以深受喜愛超過30年「鈴木銀一郎老師」卡牌遊戲《Monster Eater》遊戲系統做基礎，令玩家可以盡情享受「九井諒子老師」嘅同名漫畫《迷宮飯》世界，憑住《情書》獲得全球稱讚嘅「カナイセイジ老師」創作嘅遊戲。

你將會扮演冒險者小隊，穿越「狂亂魔術師」統治嘅迷宮，
同其他玩家鬥智鬥力爭奪分數！
迷宮入面嘅怪物品種繁多，你可以根據唔同怪物特性決定點樣安排佢地出現係迷宮中。更可以將佢地放到對手嘅迷宮度，考驗佢地嘅應對能力！

遊戲玩法簡單易明，所有玩家一齊進入淺層迷宮，之後仲可以打遭遇卡俾自己或者其他玩家遭遇怪物，再用食物幫隊友回血休息下！😌

探索迷宮累積到100%嘅時候，就可以挑戰淺層BOSS，打贏先可以入深層。遊戲一直進行到有人打贏深層BOSS，就會計分決定勝負喇！

就算未睇過原著《迷宮飯》都完全都會覺得好玩，睇過原著嘅朋友一定會不自覺咧嘴一笑，認出當中嘅經典場面！
如果你想試新玩法，可以試下輪抽（draft)組隊，將唔同角色擺埋一隊，可能會有出人意表效果，同新鮮感！