<<好棋推介>>《The Gang》

<<好棋推介>>《The Gang》
輕鬆又刺激嘅合作桌遊，集合左「德州撲克」嘅策略同《心靈同步》嘅默契挑戰。

遊戲玩法🤹
-每位玩家攞到自己嘅手牌，但唔可以同其他人講自己有咩牌，只可以靠下注籌碼暗示自己對手牌強度嘅信心。
-之後會逐張翻開公共牌，大家要根據新資訊重新估計自己同其他人手牌。
-每輪結束時，如果所有人都由細到大估中牌力，大家就可以成功打開一個銀行保險庫；如果有人估錯，就會觸發警報。
- 遊戲目標係喺三次警報前，合作打開三個保險庫，齊齊贏！

🎨遊戲特色
合作無間：唔同傳統「德州撲克」，大家係一條Team，要一齊諗辦法完成搶劫任務🏦
無聲溝通：全程唔可以講話，只可以用籌碼同眼神交流
變化多端：有專家進階玩法，令每次遊戲都有新鮮感。
規則簡單：新手都好易上手，20分鐘一場，唔怕玩到悶。