<<新棋推介>>《Hitster | 歌迷序會》

🎤 歌，唔止係聽，更加係回憶！《歌迷序會》將你嘅廣東歌記憶化作一場派對！

仲記唔記得，當年邊首歌陪住你通頂溫書？邊首歌係你嘅K房飲歌？
如果自問係「廣東歌達人」，咁你一定要試下呢副近期大熱嘅音樂桌遊——《歌迷序會》！🎶

呢個遊戲唔係鬥快爭凳仔，而係考你嘅 「音樂時間感」 ！

玩法極速上手：
1️⃣ 起點：每人面前放一張歌卡（年份向上），作為時間線嘅起點。
2️⃣ 聽歌：輪到你時，抽一張新卡，用手機掃QR code播歌。記住，淨係聽歌，唔準睇年份！ 👂
3️⃣ 擺位：聽完之後，你要靠直覺判斷：呢首歌應該放喺你條時間線嘅「最左邊（最舊）」、「最右邊（最新）」，定係夾喺邊兩首歌之間？
4️⃣ 揭曉：擺好位就揭曉答案！如果年份排啱位，你就可以收埋張卡，時間線越嚟越長；排錯就要棄牌，等下個回合。

💡 小貼士： 想再刺激啲？可以挑戰進階玩法，加碼估埋歌名同歌手，拎金曲標記換牌！最早砌到10張卡嘅人就贏！🏆

《歌迷序會》將聽歌同桌遊完美結合，嚴選咗數百首橫跨唔同年代嘅經典同流行廣東歌 。
無論係《獅子山下》嘅情懷，定係近期嘅大熱作品，每一首都係我哋嘅共同回憶 。

快啲約齊班Friend，一齊喺音樂入面穿越時空，開返場最熱鬧嘅廣東歌派對啦！🎉