<<好棋推介>>《Regroup Chicken Arm | 全軍出雞》

臨近聖誕節，大家可以一路食火雞一路玩呢款遊戲🐔🐔

名夠晒鬼馬——《全軍出雞》，聽落就充滿歡樂氣氛，實玩仲過癮！
核心玩法係卡牌拼放，規則簡單到阿媽都識，但都一定既策略性！
唔似其他板拼遊戲咁複雜，淨係留低物攻、魔攻、物防、魔防四大核心屬性，加埋金幣同藥水，返璞歸真，專注拼放規劃！
- 每局變化超多，完全唔使怕悶！

【遊玩流程】
1. 揀牌階段：每回合要「應徵」可見嘅牌，或 搏一搏盲抽牌。
2. 拼放關鍵：每張牌有4格，放落自己「軍團區」時至少要蓋住1格，最緊要係一定要同已有卡片有一格相鄰先計戰力架！
3. 攻防大戰：計算相鄰嘅士兵+魔法兵總戰力，全場攻擊！其他人就湊物防+魔防擋傷害，擋唔住就扣血！
4. 資源取捨：有金幣可以多啲選擇，但有時要犧牲金幣去拼相鄰圖示；遇到藥水仲可以補血續命，唔使一擊即殺！

【特別之處】
- 策略性夠晒：唔使記一大堆複雜規則，只要專注位置最佳化，新手都可以玩出高手操作！戰術多變，冇得一招食到老
可以贏嘅方法包括：
🔥 高爆發猛攻
🧙 魔法壓制
- 🛡️ 高防慢磨等人出局
- 節奏快到「冇得輸」：就算有玩家淘汰機制，因為節奏太快，輸左都唔會有挫折感，即刻可以再開一局！
- 進階規則仲正：扣血過半可以翻轉領袖卡多拎一個圖示，後追能力滿分！前期落後都有機會反殺！
- 實體質素超高：全部都係塑膠牌！防水又耐用，就算俾小朋友亂擰、打瀉汽水都唔怕！袖珍包裝仲可以隨身帶，旅行、下午茶隨時開戰！