《斷到正》嘅一大宗旨係要大家玩得開心，雖然當中涉及爾虞我詐嘅奸奸豬曳曳嘢，好易令人怕「被陰」而神經緊張，仲會隨時焫著人，演變成對玩家fd度嘅大考驗，但請‧記‧住，大家都只係玩下唧，咪太認真。凡有拗撬，就拉齊所有人四四六六拆掂佢。
而今輯擴充，好可能會有玩家「雀精」上身而對計番、收畀錢、提人摸啱牌等等「正路」嘢上面被跣而大發老脾。總之，玩還玩，牌品依然不可少。
做任務嗰part完咗之後，打牌嗰part就要揸返正，摸牌莫摸錯，番數咪計多，科水要爽手，收銀數要夠（之不過，撞著大家時運高睇唔到又另計嘅）。無論係打牌定玩game，咪賴貓至會有下一局，right？